Bertsoak - Fitxa ikusi Atal honi buruz gehiago jakiteko
2001-12-01 Bilbo Txapelketa [Bertsoa] / Sustrai Colina
| Bertsoa entzun |
2001-12-01 Bilbo Txapelketa [Bertsoa] / Sustrai Colina
Neurria:
Neurri luzekoak
Kokapena:
XDZ - Xenpelar Dokumentazio Zentroa
Bertso kantuan noizbait izan nun
gora heltzeko aukera,
bi mila ta batgarren urtean
heldu nintzen finalera.
Orduz geroztik nere egoerak
ez du egin ez hobera!
Dena doakit gainbehera,
biziki fite gainera. (bis)
Berez gozoak behar zuenak
atera baitzait kaltera,
paparazziak atzetik dauzkat,
hortik kontuak atera! (bis)
Jende aurrean, zuen aurrean,
jakin behar da egoten,
jende guztiak gure akatsak
ditulako itxaroten.
Kazetarikin pasa zaidana
ez da errexa izaten:
ti-ta santiamen baten,
harreman guztia eten. (bis)
Larrugorritan ipintzen naute
berdekariek egiten;
batzuk ez dakit arroxa eta
beltza bereizten dakiten. (bis)
Zer naizen eta nora nijoan
nik biziki ongi dakit,
zuen aurrean eredutxo bat
izan behar naiz haatik,
baina norberak egon behar du
beste guztian gainetik;
"animo Sustrai" gogotik,
denak elkarren ondotik. (bis)
Naizen bezala agertuko naiz,
onetik eta txarretik,
ahal dela Sustrai izan nahi nuke
Colina izan aurretik. (bis)
Datu-base honetan eskainitako informazioari buruz jakiteko, kontsultatu lege oharra