Bertsoak - Fitxa ikusi Atal honi buruz gehiago jakiteko
2003-11-23 Zarautz Txapelketa [Bertsoa] / Ekaitz Goikoetxea, Iñaki Gurrutxaga
2003-11-23 Zarautz Txapelketa [Bertsoa] / Ekaitz Goikoetxea, Iñaki Gurrutxaga
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
E. Goikoetxea:
Guztiok elkartuko
bagina behinepin...
Ardura ere hartu
izan det nerekin
baina urruti zoaz
zure eskiekin
printzipea bezela
Baqueirara ekin
joan behar al dezu
Letiziarekin?
I. Gurrutxaga:
Bakarrik joango naiz
hori baitut lege
ni naiz Baqueira aldean
pistako errege.
Familia osoa
nahi zenuke zeure
plan aldaketaren bat
komeni da trebe:
trineoa hartuta
etorri zu ere.
E. Goikoetxea:
Horretarako izan
nezake parada
baina zahartuegia
ez al nago jada?
Ezer ikasi ez eta
zendun lana laga
Baqueiraraino zoaz
ene Jesus, hara!
Hainbestera heltzen al da
amonaren paga?
I. Gurrutxaga:
Elurretan bueltaka
bufandakin guapo
postalen bat erosi
amonarentzako.
Ez daukagu polboroi
ez ezer holako
paga erabiltzen det
ta hara zertako:
erortzen naizenean
tiritetarako.
E. Goikoetxea:
Hortako ez joatea
agian hobe da
zurekin mintzatzeko
izan det aukera
baina jarri zatzaizkit
oilarren antzera
familian haustura
sortzen ari zera.
Ia erortzen zeran
muturrez aurrera!
I. Gurrutxaga:
Jo zenbat maite nauzun
hauxe da hauxe drama!
Kasi ahaztu ezazu
etortzeko plana
zer pasako den ondo
jakin dakidana
zer aipatuko dugun
hara hemen ai ama:
"Baqueiran geratu zen
gure amona zana".
Datu-base honetan eskainitako informazioari buruz jakiteko, kontsultatu lege oharra