BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (7. 2003)

Saioa

2003-11-01 Hernani Txapelketa

Gai-emailea

Azkune, Laxaro

Bertsolariak / Egileak

Goikoetxea, Ekaitz

Gurrutxaga, Iñaki

Lana

Binaka gaia-emanda

Jarritako gaia

Aita-semeak zarete. Ekaitz semeak azken sei urteotan sei emaztegai izan ditu. Iñaki aitak hitz egiteko ordua dela iritzi dio.

Deskribapena

Doinua

Praixku Galtzazarreta B

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2003-11-01 Hernani Txapelketa [Bertsoa] / Ekaitz Goikoetxea, Iñaki Gurrutxaga

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

I. Gurrutxaga:
Dozena erdi bat urte
alperrik pasea
oraindikan daukazu
buruan haizea;
komeni da amodioz
serio hartzea
ez baita andregaiak
kolekzionatzea.

E. Goikoetxea:
Lorez lore hor nabil
jairik jai, gaurik gau
seriotasun hitzak
urduri jartzen nau
amodioa biziz
ez lege ez arau
unea bizitzeko
momentua da hau.

I. Gurrutxaga:
Unea bizitzeko
momentua omen.
Hola ibiltzea txarra
izaten da hemen
ni're zure antzera
ibiltzen nintzen lehen
eta zure amakin
akabatu nuen.

E. Goikoetxea:
Gaur berezita zabiltz
erdi alarguna
triste pasatuz gaua
ta berdin eguna.
Nik ez det mugatu nahi
nere maitasuna
ez pasatzeko zuri
pasatu zaizuna.

I. Gurrutxaga:
Ez dezu ibili nahi
aitan antzeratsu
itxuraz egin ditut
noizbait akats batzu.
Hartu andregaia ta
ezkontaraz zazu
oraindik garaiz zaude
ta egidazu kasu.

E. Goikoetxea:
Azken sei urtetan sei
nobia egina
lehenengo itsusia
gero pinpirina;
zugatik egiten det
aitatxo jakina
beti ez ikusteko
aurpegi berdina.