Bertsoak - Fitxa ikusi Atal honi buruz gehiago jakiteko
2003-11-01 Hernani Txapelketa [Bertsoa] / Nahikari Gabilondo, Ekaitz Goikoetxea
2003-11-01 Hernani Txapelketa [Bertsoa] / Nahikari Gabilondo, Ekaitz Goikoetxea
Neurria:
KOPLEN MULTZOA
Kokapena:
XDZ - Xenpelar Dokumentazio Zentroa
E. Goikoetxea:
Sentimentuak errekin
pozik bagenu behinepin...
Lehen saiakeran lortu ez arren
nahi aina etekin
bihotzari gogor ekin
eta etorri nerekin
ez zaitezela lehertu lehenengo
olatuarekin. (bis)
N. Gabilondo:
Bihotz hits zimur kopeta
laster egin degu buelta
ilusio ta itxaropenak
barruan gordeta.
Ekaitz jar zazu arreta
saioan zergatik neka
bizitza bila joanik heriotza
topa liteke-ta. (bis)
E. Goikoetxea:
Gose-egarriak etsai
une oro epaiz epai
Europan ura eta ogia
ditugu gozagai.
Arriskuak badira bai
baina irmo nahi det jarrai:
dama beltzaren itxarongelan
ez det jarraitu nahi. (bis)
N. Gabilondo:
Hasi genuen borroka
inori ez zaio inporta
ta dizkigute amets guztiak
kareletik bota.
Hara zer gendun erronka!
Onartu zazu porrota
dama beltzaren gelan ez zera
hobeto egongo-ta. (bis)
E. Goikoetxea:
Zoli, erne eta adi
hara banoa Nahikari
itxaropena lemazain eta
amets bat gidari.
Muxu bat familiari
ondasun eta janari
ez negar egin itzuliko naiz
bihotza kantari. (bis)
N. Gabilondo:
Gure hamaika ahalegin
hasi orduko huts egin
ez degu lortu lehen nahi genuen
hainbeste etekin.
Zeure bideari ekin
ni ez nijoa behinepin
hemen bizitzen ikasiko det
daukadanarekin. (bis)
Datu-base honetan eskainitako informazioari buruz jakiteko, kontsultatu lege oharra