Bertsoak - Fitxa ikusi Atal honi buruz gehiago jakiteko
2009-11-29 Donostia Txapelketa [Bertsoa] / Iñaki Gurrutxaga, Aitor Sarriegi
| Bertsoa entzun |
2009-11-29 Donostia Txapelketa [Bertsoa] / Iñaki Gurrutxaga, Aitor Sarriegi
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
A. Sarriegi
Zerbait egin behar zen
zauria itxi zedin
baina zu eta ni gaur
ez gaude ezberdin
izutu egin nauzu
dardara horrekin
lehengoa itxi baina
berririk ez egin! (bis)
I. Gurrutxaga
Benga etorri zaitez
ez egon atzean!
Ondo zaude Gurutze
Gorriko etxean
ta asmatzen ez badet
zasta bakoitzean
igual egingo dizut
punto de kruz-ean. (bis)
A. Sarriegi
Horrelakoik ez det nahi
nere etxerako
idea utz ezazu
beste baterako!
Astirik ez daukagu
punto kruz-erako
odolustu egingo naiz
zuk bukatzerako! (bis)
I. Gurrutxaga
Ez etorri aitzaki
merke horiekin!
Zuk erabaki zazu
noiz ta nola egin.
Nahi badezu egingo
dizut arin-arin
Aitor Sarriegiren
inizialekin. (bis)
A. Sarriegi
Profesional ona
biharko egunean
igual izango zera
behar den unean
baina esperientzi hau
modu txukunean
badaezpada ez jarri
curriculumean. (bis)
I. Gurrutxaga
Curriculum kontuak
zabiltza aipatzen
erizain tituloa
hoi lehenengoa zen
medizinan lekurik
ez didate jartzen
beraz eskerrak ez det
bisturia hartzen. (bis)
Datu-base honetan eskainitako informazioari buruz jakiteko, kontsultatu lege oharra