BDB Bertsolaritzaren datu-basea

General information

Kategoria

Bat-batekoa

Performance

2025-08-05 Oiartzun Jaialdia

Conductor

Agirre, Amaia

Bertsolaris / Authors

Iturriaga, Unai

Lujanbio, Maialen

Exercise

Binaka gaia-emanda

Proposed topic

Atzo baserritar eguna izan zen eta ekitaldi jendetsuena idi-dema izan zen. Lehenengo txanda goizeko 10:00etan, hilerri ondoko plazan. Oiartzungo harriari tiraka bi idi pare, harriak ia 2.000 kilo, eta zuek biak han. Zu Maialen idizale amorratua, hutsik egin gabe hurbiltzen dena, eta gaur ere egingo duzu egundoko apustua. Eta zu ere Unai plazan zaude, pankarta bat eskuan eta animalien aldeko aldarriak ahoan. Eta elkarren parean zaudete idi-demak noiz hasiko, zeinek zeini begirada zorrotzagoa luzatuz.

Description

Melody

Orioko balearena

Stanza name

Zortziko txikia (hg) / Lau puntuko txikia (ip)

Localization

Localization

XDZ - Xenpelar Dokumentazio Zentroa

Collection / Fond / Project

Bapatean Bilduma

2025-08-05 Oiartzun Jaialdia [Bertsoa] / Unai Iturriaga, Maialen Lujanbio

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

---

M. Lujanbio
Pankarta eskuetan
ta hortxe darraizu
bertan egon zintezke
aste eta jai zu
hemen neoruralak
asko gara aizu
idi-dema kentzea
kosta behar zaizu. (bis)

U. Iturriaga
Orain dela ehun urte
ta geunden moduan
ze mundu daukazu zuk
baina akorduan?
Har ‘zazu harria zeuk
ta lotu buruan
apustu gustura neuk
eingo dut orduan! (bis)

M. Lujanbio
Pertsona ta piztia
ez da iguala
idiak bai oraintxe
ehun urte bezala
Perurena, Ergoien
ta Gurutze hala
uste al dezu Oiartzun
Donostia dala? (bis)

U. Iturriaga
Beraz zuri iruditzen
zaizu hain normala
piztia hor sufritzen
pertsonak bezala
dena hain bertakoa
dena naturala
uste al duzu idia
oiartzuarra dala? (bis)

M. Lujanbio
Oiartzuarrak dira
jabe ta ganadu
ta azken bost urteetan
saiotan dihardu
beira dagon jendeaz
egin zaite kargu
hemen bakoitzak bere
sufrimendua du. (bis)

U. Iturriaga
Bai ta biharamuna
ta jai ta bezpera
apustu egingo duzu
berriro ostera
ezin al duzu izan
normala ospera!
Besteak bezala joan
Reala ikustera. (bis)

M. Lujanbio
Anoeta ezin da
hau bezela bete
nahiz han baduten nahiko
miloi eta txeke.
Pozik eingo nitzake
futboleko jente
haiei ere akuilua
sartu baliete! (bis)

U. Iturriaga
Ahokada bat bota
puruari tira
akuiluari begitu
ta soa harrira.
Ezin dugu ados jarri
gu biok argi da
ni ez nauzu lotuko
zure uztarrira. (bis)