Bertsos - View details To know more about this section
2009-10-03 Zestoa Txapelketa [Bertsoa] / Miren Artetxe, Iñaki Gurrutxaga
| Bertsoa entzun |
2009-10-03 Zestoa Txapelketa [Bertsoa] / Miren Artetxe, Iñaki Gurrutxaga
Stanza name:
Hamarreko txikia (hg) / Bost puntuko txikia (ip)
Localization:
XDZ - Xenpelar Dokumentazio Zentroa
I. Gurrutxaga
Notizia jakinda
lehen hasperena
lan bat bilatzea zen
gero zetorrena.
Hauxe da naizena ta
hauxe da garena
zergatik esan horren
gezur nabarmena
berandu baino lehen
jakingo dutena?
M. Artetxe
Zure egoera da
larri ta estua
ta nik bota nahi dizut
lehenengo eskua
baina kexati zatoz
kopeta belztua
baina zuk zer nahi duzu
emazte prestua
mundua aldatzea
edo lanpostua?
I. Gurrutxaga
Mundua aldatzea
da lan zail xamarra.
Entrebista-ra noa
jantzi det txamarra
ta zure aholkuak
sortu dit negarra
eman didazulako
nahiko babes txarra.
Lanpostu asko dago
ume bat bakarra.
M. Artetxe
Zure barruko garra
hor atera zaizu
ta umearen ama
zu zeu zara aizu!
Baina ez nioke egingo
nik sen horri kasu
tripa bat edozertan
duzu enbarazu
eurotan zenbatu ta
erabaki zazu.
I. Gurrutxaga
Oraindik gogoz nago
banoa aurrera
zure hitzekin nola
erori gainbehera?
Ondo gordean daukat
oraindik kartera.
Hartu aurretik bidaltzen
banaute kalera
ez dakit nola baino
aterako gera.
M. Artetxe
Holako arazoak
izaten dira maiz
eta ni leihatilan
begitarte alaiz
aholkuak praktiko
izan dira araiz
baina dena akabo
alda dezagun gaiz
INEMgo ofizina-ko
langile hutsa naiz.