Bertsos - View details To know more about this section
1978-04-30 Ahetze Jaialdia [Bertsoa] / Joxe Agirre, Imanol Lazkano
1978-04-30 Ahetze Jaialdia [Bertsoa] / Joxe Agirre, Imanol Lazkano
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
Lazkano:
Poz bat dadukat nere barruan:
andrea ez dut antzua
ezkondu eta berihalaxe
ekarria dit haurtxua
beti gainezka nola nebilkin
maitasunaren potzua
apaizak baino lehenagotikan
eman nion intsentsua!
J. Agirre:
Hori norbaitek lotsagarritzat
hartu lezake akaso
baina haurtxoa etorri da ta
biok behar degu jaso
sinistu gero gertaera hontaz
pozikan nago ni oso
pentsa zazute nahi dun guzia
ez dala egiten guraso.
Lazkano:
Hori jakinda apaiza etorri
zitzaigun azkar korrikan
orduan lehenik (?????) jarri nuela
sagardo hori barrikan
baina egin zun hitzaldi hori
izandu zan alperrikan
munduan obra onak eiteko
ez da baimen beharrikan.
J. Agirre:
Ez gera bakarrik hola jarri da
jenderik gehientsuena
ta zer arrazoi izan ote zan
apaizak eman zuena?
Ni ere ez naiz oso santa ta
hau're ez da zintzuena
eta lehenbailehen probatu gendun
biontzat behar zuena.
Lazkano:
Indarrez sobre nengoen nunbait
ta ezin nuen aguanta
sasoikoentzat gauzik gozona
mundu hontan hori da-ta
mutil koxkor bat jatorra degu
eta burua galanta
ni pozik nago itxura danez
neurea izango da-ta!
J. Agirre:
Aitaren antza ekarri du ta
hau ez da gizon zakarra
baina partua ez gendun izan
zenbaitek bezin azkarra
ta orain ere amak badauka
amak ohi duan okerra:
egiten biok sozio baina
bularra eman beharra.