Bertsoak - Fitxa ikusi Atal honi buruz gehiago jakiteko
2001-10-27 Legazpi Txapelketa [Bertsoa] / Sustrai Colina, Nerea Elustondo
Bertsoa entzun |
2001-10-27 Legazpi Txapelketa [Bertsoa] / Sustrai Colina, Nerea Elustondo
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
Colina:
Heriotzak baditu
zenbait konpromezu,
gustora ez zaudela
nabaritzen zaizu;
baina bizirik nago,
emaztea, aizu.
Beraz orain lutoa
kendu dezakezu. (bis)
Elustondo:
Nere senarra dago
ondo-ondo hila.
Beraz zertan atera
hainbat katramila?
Zu zaitugu lapurra
benetan abila,
nondik atera dezu
senarran mobila? (bis)
Colina:
Buruan gordea nun
hori, alafede,
apurutik joatea
nuelako xede.
Teknologi kontutan
ez al dabiltz trebe?
Kobertura baitago
inpernutik ere! (bis)
Elustondo:
Hara ze bota didan
neri kolpetikan,
hasarratu beharra
degu oraindikan!
Kobertura egon leike
gaur infernutikan,
baina hilkutxan ez dago
koberturarikan. (bis)
Colina:
Hilkutxan sartu naiz ta
sortu da problema;
urruti gelditu da
emaztean pena.
Kobertura badago,
gainera onena,
Euskaltel dugulako
batzen gaituena. (bis)
Elustondo:
Zure barruan bada
hainbat gauza bitxi;
hala ta guztiz ezin
dezaket ahantzi.
Horrek batzen gaitu bai,
eta ez da gutxi!
Baina nere senarra
ez da deitzen Patxi. (bis)
Colina:
Hemendik izan dugu
nahiko berriketa,
gezurra izan baita
senarran hilketa.
Deituiozu Patxiri
etor dadin xerka,
bertsota Legazpira
juan behar dut eta. (bis)
Elustondo:
Beraz Legazpin dezu
gaur bertso saioa,
nigana ekartzearren
dudan garraioa.
Hara joateko ez zaude
batere iaioa;
harrek jango ahal zaituzte
txotxo arraioa!
Datu-base honetan eskainitako informazioari buruz jakiteko, kontsultatu lege oharra