Bertsoak - Fitxa ikusi Atal honi buruz gehiago jakiteko
2001-10-28 Amurrio Txapelketa [Bertsoa] / Jokin Sorozabal, Iñaki Zelaia
Bertsoa entzun |
2001-10-28 Amurrio Txapelketa [Bertsoa] / Jokin Sorozabal, Iñaki Zelaia
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
Zelaia:
Euroaren garaia
iristen ari da,
ta biloba jarri da
geroai begira.
Aitona eman dirua,
tira, tira, tira,
zuregatik usteldu
egingo baitira! (bis)
Sorozabal:
Etxean zulo bat det
horma bakoitzeko;
pezetak gordetzeko,
hori ez da kalteko.
Ez ditut aterako
zuri emateko;
Europan ez dituzte
hobeto gordeko! (bis)
Zelaia:
Europa zer dan zuk zeuk
badakizu ondo;
teilatuan ez dute
primeran iraungo;
zure bilobak ditu
ederki asko jango,
eta Europa aldera
ez dira juango. (bis)
Sorozabal:
Ez dizkizut emango,
diot mila aldiz;
ehun ta hirurogei pezta
euro bat da berriz;
emango nizkizuke
denak gusto haundiz,
multiplikazioa
alderantziz balitz. (bis)
Zelaia:
Nere aitonak dauka
hainbeste umore,
teilatuan gordea
hamaika balore.
Zatiketa eginda
ez dago dotore;
hala ere gutxi da
zero baino hobe. (bis)
Sorozabal:
Txiki-txikitatikan
egin nuen lana;
ederki kostata nik
egin det hau dana!
Eta igartzen dizut
zuk daukazun plana;
ni zaharra naiz baina
gaztea izana. (bis)
Zelaia:
Lehenago etxe guztian
egin det aproba;
zahartutako gazteaz
ez nago gustora.
Ibili beharrean
zulotik zulora,
etxea botatzea
hobe izango da. (bis)
Sorozabal:
Etxea botatzeko
egiten du plana;
hau aberastasuna
etxeak daukana!
Botatzen dutenian
lurreraino dana,
arkeologoentzat
izango da lana! (bis)
Datu-base honetan eskainitako informazioari buruz jakiteko, kontsultatu lege oharra