BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (13. 2001)

Saioa

2001-12-16 Donostia Txapelketa 11:00

Gai-emailea

Jauregi, Saroi

Bertsolariak / Egileak

Lujanbio, Maialen

Lana

Bakarka lehen puntua-emanda

Jarritako gaia

Puntua: Gorrotoaren suak / hartu du indarra
Puntua: Gerra urrunean ta / gerra hurbilean
Puntua: Pertsona pertsonaren / etsai handiena
Puntua: Laguna ez den hura / etsaia ote da?

Deskribapena

Doinua

Haizeak bidali du

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

4

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-12-16 Donostia Txapelketa 11:00 [Bertsoa] / Maialen Lujanbio

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

S. Jauregi:
Gorrotoaren suak
hartu du indarra,

Lujanbio:
barruan dabilkigu
sua eta garra;
zorroztu begirada
eta atzaparra,
baina noizbait daukagu
hitz egin beharra.

S. Jauregi:
Gerra urrunean ta
gerra hurbilean,

Lujanbio:
ta begirada sarri
kanpora bidean.
Afganistanen dabiltz
beldurrak aidean,
baina zer konpondua
badugu geurean.

S. Jauregi:
Pertsona pertsonaren
etsai handiena,

Lujanbio:
horretxek ematen du
mina eta pena,
baina Belodromoa
gaur da nabarmena,
pertsonak lagun eta
herri bat garena.

S. Jauregi:
Laguna ez den hura
etsaia ote da?

Lujanbio:
Askok pentsatzen duna
gutxi gorabehera;
gorrotoaren harra
da gure kaltera,
hitz eginez bakarrik
egin leike aurrera.