BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (7. 2003)

Saioa

2003-11-23 Zarautz Txapelketa

Gai-emailea

Jauregi, Saroi

Bertsolariak / Egileak

Goikoetxea, Ekaitz

Sarriegi, Aitor

Lana

Binaka gaia-emanda kartzelako-lana

Jarritako gaia

Zuek bikote izan zarete hainbat urtez, eta bi haur ere izan dituzue. Orain, banatzea erabaki duzue.

Deskribapena

Doinua

Aresoarren bandera

Neurria / Estrofaren izena

KOPLEN MULTZOA

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2003-11-23 Zarautz Txapelketa [Bertsoa] / Ekaitz Goikoetxea, Aitor Sarriegi

Neurria:  KOPLEN MULTZOA 
Kokapena:  XDZ - Xenpelar Dokumentazio Zentroa 

---

A. Sarriegi:
Behin konpromisoa hartu
eta eraztuna sartu
orduz geroztik gauza askotan
gera gu ausartu
baina gaur izanik gertu
nahiz ta bizitza okertu
nola huts egin diegun haurrei
ezin det ulertu. (bis)

E. Goikoetxea:
Ez bake ta ez sosegu
guk zer egin dezakegu
konponbideak gure etxean
leku ba ote du?
Baditugu bi aingeru
haiei begira gaude gu
sekula baino elkartuago
egon behar degu. (bis)

A. Sarriegi:
Emanik horrenbeste min
orain ez itxurak egin
ni ados nago zuk haurrei buruz
esandakoekin
baina zuk ulertu ezin
egin didazula muzin
haurrak zurekin hartu bai baina
ez noa zuekin. (bis)

E. Goikoetxea:
Behatzeko eraztuna
urtetan daramaguna
garai batean lastoa eta
gaur egun beruna.
Separatzeko eguna
iritsi arren laguna
aparte baino jasoko dute
bion maitasuna. (bis)

A. Sarriegi:
Ez zera gero makala!
Zure ulermen zabala
askoz gehiago zabaldu arren
ez izan petrala.
Esan dizut banoala
ta uler ezazu hala
baina haurrei beti esan zaiezu
maite ditudala. (bis)

E. Goikoetxea:
Horrenbeste oroitzapen
etengo ditugu aurten
nahiz ta hontara ailegatzerik
ez uste bapaten.
Degun apurra ematen
haurrek gozatu gaitzaten
bikote ez baina segi dezagun
guraso izaten. (bis)