Bertsoak - Fitxa ikusi Atal honi buruz gehiago jakiteko
2003-12-14 Irun Txapelketa [Bertsoa] / Iñaki Gurrutxaga, Maialen Lujanbio
2003-12-14 Irun Txapelketa [Bertsoa] / Iñaki Gurrutxaga, Maialen Lujanbio
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
I. Gurrutxaga:
Agure atsoekin
bada mila kasu
nik laguntza ematen dut
ta beti halatsu.
Zuregana joan ta
kopetean musu
lotan zure ondoan
hautatzen banauzu
zuk ere amets hobeak
izango dituzu. (bis)
M. Lujanbio:
Beste arazo bat det
jar zazu arreta:
ohea ta ametsak
dira zure meta
imajinatzen zaitut
buelta eta buelta
baino neri nork egin
kasu ta fereka
nik gau guztian ez det
lorik hartzen eta. (bis)
I. Gurrutxaga:
Gauero paseatzen
burua oso zut
lo hartzeko lan asko
igarri dizkizut
baina profesionalak
ditu truko batzuk
lo hartzen komeriak
badauzkazu gaur zuk
lotarako ipuin bat
kontatuko dizut. (bis)
M. Lujanbio:
Zuk kontatu ipuiak
neri banan-bana
hola ahots suabez
mutiko otsana.
Gero sartu ohera
zatoz neregana
gogoratu dezadan
iragan laztana
zuk bezela azala
leuna neukana. (bis)
I. Gurrutxaga:
Baina ordutik hona
pasa da denbora
oroitzapen guztiak
ekarriz gogora
zugatik jardungo naiz
behera eta gora
amona ez da baina
eginez aproba
ni izango naiz izan
ez duen iloba. (bis)
M. Lujanbio:
Nere iloba zitekeen
adinez beretsu
senar bat banuela
pentsa dezakezu
baina ez, ez det izan
hargatik naiz kexu.
Oso leku txarrean
gazte zeundeke zu
izan ez dedan dena
izan nahi badezu. (bis)
Datu-base honetan eskainitako informazioari buruz jakiteko, kontsultatu lege oharra