Bertsos - View details To know more about this section
1989-04-28 Legorreta Jaialdia [Bertsoa] / Andoni Egaña, Imanol Lazkano, Sebastian Lizaso, Mikel Mendizabal, Anjel Mari Peñagarikano, Jon Sarasua
| Bertsoa entzun |
1989-04-28 Legorreta Jaialdia [Bertsoa] / Andoni Egaña, Imanol Lazkano, Sebastian Lizaso, Mikel Mendizabal, Anjel Mari Peñagarikano, Jon Sarasua
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
Lazkano
Soldadu izanduak
Españin barrena,
nahi ordurako ez zan
gertatu azkena,
orain hauek ikusita
sentitzen det pena,
denetan gaur neronek
dirudit gaztena.
Peñagarikano
Ni soldau raso nintzan
ta txikia kabo,
ia egin genduen
betiko akabo,
eta Lazkanorekin
harritua nago,
lehen buru haundia zan,
orain haundiago.
J. Sarasua
Ni ere Lazkanokin
egin naiz harritu,
gaztetan plakoa zan
ziteken izutu,
orain ikusi eta
gelditu naiz mutu,
hartu duen itxurakin
ez det ezagutu.
Mendizabal
Seirok egon ginaden
soldadu batera,
txikitxo bat heldu zen
taldean tartera,
ta gaur hemen daukagu
Sarasua bera,
hamabost arte hontan
pixkat hazi zera.
Egaña
Lizasok ez du galdu
mahairako sena,
honek hustutzen zuen
hango almazena,
oraindik ere dago
mardul ta gizena.
Lehen ere «elefante»
zendun ezizena.
S. Lizaso
Soldaduska e(g)in gendun
guk seirok batean,
Zarauztar hau nabarmena
guztien tartean,
bandera juratu zuen
batalloi torpean,
oinez ikasi al dek
hamabost urtean?
Lazkano
Hamabost urte haundi
pasatu ta gero,
nik kuadro triste hau
ez nuan espero,
hiru ezkondu eta
beste hiru soltero,
hola beharko dute
hauek honezkero.
Peñagarikano
Guk paso lijeroan
makina bat korri,
Sebastianek dauka
nahiko mutur gorri,
hara zer gerta zitzaion
Azpeitiar horri,
hara bobo joan zan
ta bobo etorri.
J. Sarasua
Lizaso nola ez da
gustora egongo?
Lehen ere janarekin
egiten zun tongo,
lehen ederki zebilen da
orain dabil ondo,
ondo konserbatu da
gure kabo gordo.
Mendizabal
Soltero gaudela gu
norbaitek esana,
soldaduskan egina
dadukagu plana,
kartak iristen dira
sarritan gugana,
gure atzetik dabil
o(ra)indik kapitana.
Egaña
Lizason kanbioa
ez da hain txepela,
jakin di(a)t abertzale
famarekin zela,
eta jura banderan
hartuaz honela,
musu ematen zion
amari bezela.
S. Lizaso
«Zu pekatari» esaten
daukaten ohitura,
ni bezelaxe zuten
hauek e(re) lotura,
nere saltsak esaten
hainbat abentura,
baina ni gizendu nintzan
Espaiñin kontura.
Lazkano
Oraindik gogoan det
bizimodu hura,
eta ez da aldatu
Peñaren itxura,
han ere ibiltzen zan
marika modura,
oraindik ez du galdu
orduko ohitura.
Peñagarikano
Hara ez nitzan joan ni
andragaien bila,
hantxe elkartu ginan
galanta kuadrila,
ta han jartzen zituzten
ezizenak pila,
hari «elefante» ta
honi «kalderila».*
J. Sarasua
Ondo oroitu behar da
zer egin gendun han,
lau hauek erori dira
ezkontzeko grinan,
orain nahiz eta egon
gu biok eskinan,
ligatzen gendun bakarrak
Peña eta ni ginan.
Mendizabal
Peña hori daukagu
flako eta mehea,
jertsea ere dauka
kolorez berdea,
azeitunak jaten zan
mutiko trebea,
horregatikan dauka
duen kolorea.
Egaña
Neska faltan han bazan
hamaika endredo,
eta ni isiltzerik
ez orain espero,
Sarasua ligatzen
ibiltzen zan bero,
ligatzen ez dek zaila
ordaindu ezkero.
S. Lizaso
Harriturikan egon naiz
txikia(r)i entzuten,
eta gutxi kostatzen zait
horri erantzuten,
entzun dezute biak
zer famatxo duten.
Alkarrekin bakarrik
ligatzen zenduten.
Lazkano
Sarasuak izan du
ligatzean baza,
baina honek ez dauka
horrelako traza,
bikote hau izan da
horretan eskasa,
ligatik kuIerora
ez dirade pasa.
Peñagarikano
Ligoi fama ekarri
nun kuartel hartatik,
egia esan ez dute
arrazoian faltik,
kalabozon egon nintzan
ta hara zergatik,
kapitanan alaba
kargatzeagatik.
J. Sarasua
Gauza nola izaten zan
behar dezute jakin,
nahiz ta zikinkeritan
ez nuen nahi ekin,
guk ligatzen omen gendun
biok elkarrekin,
ta beste lau hauek berriz
bakoitzak berekin.
Mendizabal
Zu Peña kiziotik
ez zaitez atara,
holako kontuekin
ez hator plazara,
kalabozora joan zan
Peña hori hara,
karga nerea zan da
hori kartzelara.
Egaña
Beti marruan dabil
lagunekin teman,
Sebastian portatzen da
Jeneralen eran,
Lizason drama zein dan
ez al da antzeman,
rengantxea eskatu ta
ez zioten eman.
S. Lizaso
Neretzat zergatikan
holako aukera,
edo hartua diak
txuskero tankera,
orain jarri behar diat
mando baten era,
txorakeriak utzi ta
goazen bazkaltzera.